About Me

తెలంగాణ లో 50 వేలకు చేరువలో కరోనా కేసులు

తెలంగాణలో కరోనా వైరస్ కేసుల సంఖ్య వేగంగా పెరుగుతోంది.  కేసుల సంఖ్య  రాష్ర్టంలో 50 వేలకు చేరువలో ఉంది. సోమ వారం ఆరోగ్య శాఖ విడుదల చేసిన హెల్త్ బులిటెన్ ప్రకారం గత 24 గంటల్లో రాష్ట్రంలో 11,003 శాంపిళ్లను పరీక్షించగా... 1198 కరోనా కేసులు నమోదయ్యాయి. సోమవారం మరో ఏడుగురు కోవిడ్ బారిన పడి చనిపోయారు, దీంతో రాష్ట్రంలో కరోనా కారణంగా ప్రాణాలు కోల్పోయిన వారి సంఖ్య 422కు చేరింది. రాష్ట్రంలో కోవిడ్ మరణాల రేటు 0.91 శాతం మాత్రమే కావడం గమనార్హం.

సోమవారం జీహెచ్ఎంసీ పరిధిలో 510 పాజిటివ్ కేసులు నమోదయ్యాయి. రంగారెడ్డి జిల్లాలో 106, మేడ్చల్‌లో 76, సంగారెడ్డిలో 10 కేసులు నమోదయ్యాయి. కరీంనగర్‌లో 87 కేసులు, మహబూబాబాద్‌లో 36, భద్రాద్రి కొత్తగూడెంలో 11, నల్గొండలో 24, వరంగల్ అర్బన్‌లో 73, జగిత్యాలలో 36, మహబూబ్‌నగర్‌లో 50, భూపాలపల్లిలో 26, నాగర్ కర్నూల్‌లో 27 కేసుల చొప్పున నమోదయ్యాయి. సోమవారం నాటి హెల్త్ బులిటెన్ ప్రకారం రాష్ట్రంలోని 29 జిల్లాల్లో కోవిడ్ కేసులు నమోదయ్యాయి. 

తెలంగాణలో మొత్తం 2,76,222 కరోనా టెస్టులు చేయగా.. 45,076కు శాంపిళ్లు పాజిటివ్‌గా తేలాయి. రాష్ట్రంలో ప్రతి పది లక్షల జనాభాకు 6906 టెస్టులు చేశారు. రాష్ట్రంలో కరోనా టెస్టింగ్ కేంద్రాలు.. కోవిడ్ హాస్పిటళ్ల వివరాలను కూడా హెల్త్ బులిటెన్‌లో పేర్కొన్నారు. 

రాష్ట్రంలో ప్రస్తుతం 11,530 యాక్టివ్ కేసులున్నాయి. మొత్తం కేసుల్లో ఇది 25 శాతం మాత్రమే కావడం గమనార్హం. సోమవారం నమోదైన కేసుల్లో పాజిటివిటీ రేటు 10.8 శాతంగా ఉంది. రాష్ట్రంలో ప్రస్తుతం 14,959 బెడ్లు ఖాళీగా ఉన్నాయి.

Post a Comment

0 Comments